رواية جوازة مش طبيعية الاجزاء الكاملة للكاتبة كوكي سامح من اجل التعرف عليها تابعنا الان وسوف تقرأ  رواية جوازة مش طبيعية كاملة الان بعرضها عليكم احبائي المتابعين .

الجزء الاول من رواية جوازة مش طبيعية

من يوم فرحى وانا عايشه فى جحيم مكنتش اعرف ان جوزى بيحب امه لدرجه دى 😒يوم دخلتنا حماتى طلبت من جوزى ينام فى اوضته من غيرى وطلبت منى انام معاها انا استغربت وقولت ايه ده ولما سألته قال دى عوايدنا قولت فى سرى

عوايد ايه دى اللى تمنع راجل يوم دخلته ينام بعيد عن مراته بس قولت يمكن عوايداهم كده😏واستحملت حبه لأمه وسيطرتها عليه اربع سنين واتعود على كده😁لحد ما جه اليوم اللى قمت من النوم وشوفت ابنى ميت جمبى وده تالت ابن ليه والغريبه ان الوفاه طبيعيه اتجننت وده غصب عنى

ده ابنى وقولت انه هيعوضنى عن الاتنين اللى ماتوا قبل كده😭 بس المره دى شوفت فى عين حماتى لمعه غريبه بس قولت فى بالى لأ ازاى ده حفيدها معقول تشمت فيه وفى ابنها ده انا جوزى ثروت بيتمنالها الرضا ترضى.. لحد ما خدوا ابنى من حضنى ودفنوه خلاص ومحستش بنفسى وروحت فى دنيا تانيه وافتكرت اول يوم شوفت فيه ثروت كان ملاك ماشى على الأرض هو من عيله غنيه بس صعايده ليهم

عادات وتقاليد غيرنا👌 بس ثروت متفتح وعقله كبير  انا من نفس مستواه إنما انا مدلعه وعيشتى مرفهه بس كنت قد المسؤليه واتخطبنا وعيشنا احلى ايام خطوبه حب ودلع واتجوزنا بعد كام شهر ويوم ما لبست فستان فرحى وكأنى لبست كفن ولادى 😭 وفوقت على صوت ماما وهى بتقولى ابنك مات يا سالى وشدتنى من ايدى وانا مش حاسه بحد

غير بصوت ابنى وهو بيعيط وصورته قدام عينى وقومت علشان اققبل العزا فى ابنى ونزلت فى ايد ماما لقيت الڤيلا مليانه ناس وغير اهل جوزى كلهم وفى وسط الموجودين كانت صاحبتى دينا وعشره عمرى قاعده روحت قعدت جمبها لأنها الوحيده اللى بستريح لها وكلمتنى بصوت واطى وقالت هو ابنك مات ازاى اوعى تقولى زى كل مره بس رديت عليها وقولتلها اه

دينا : معقول وفاه طبيعيه
سالى : اه
دينا : انتى اختى وانا لازم انورك انا عارفه انه قضاء الله طبعا بس انا عندى شك 🤨 فى حاجه غلط
سالى : غلط ايه انتى مجنونه
دينا : وطى صوتك انتى مش عايشه لوحدك انتى معاكى 3 سلايفك وحماتك واولادهم اشمعنى انتى

سالى : لا لا
دينا : عموما ربنا يعوضك خير بس خلى بالك انا هقوم أمشى وربنا معاكى يا حبيبتى
بس سالى ابتدت تفكر فى كلام دينا وقالت معقول يكون فى حد بيقتل ولادى بس لا لا دى الوفاه طبيعيه والدكتور قال كده استغفر الله العظيم سامحنى يارب وعوضنى خير
وبعد العزا ما خلص سالى فضلت تعيط وتفتكر ابنها وفى

نفس الوقت تفتكر كلام دينا وقالت قسما بربى لو عرفت ان موت ولادى عمد هقلب الترابيزه على الكل وهتخرب على الكل بس اتأكد ودخل ثروت وقال لسالى هو انتى بتكلمى نفسك ولا ايه
سالى : انا بموت تالت ابن ليه يموت يا ثروت قلبى واجعنى
ثروت : ومين سمعك انا مش قادر انسى ضحكته
والباب خبط وكانت حماة سالى ودخلت وقالت لثروت بقولك النهارده انا هاخد سالى تنام معايا

ثروت : خلاص قومى يا سالى روحى مع ماما
سالى : حاضر
وفعلا سالى راحت مع حماتها تقضى الليله معاه ولما دخلوا الاوضه وسالى قعدت على السرير شافت حاجه غريبه وقالت ابنى….

الجزء الثاني من رواية جوازة مش طبيعية

وسالى اول لما دخلت اوضه حماتها بصت على السرير وقالت ابنى وحماتها قالت ابنك مين يا سالى ابنك مات يا حبيبتى بس سالى قالت دى رضعه ابنى مين جابها هنا وازاى جت لحد هنا دى رضعته وكمان البڤته بتاعته يا طنط

حماتها قالت فى سرها بتقوليلى يا طنط
سالى : يا حبيبى يا ابنى كان اسمك مالك وانت كنت زى الملاك ملحقتش اتهنى بيك
حماة سالى : معرفش ايه اللى جاب حاجه ابنك هنا
سالى قالت فى سرها ايوه كده اظهرى على حقيقتك بتقولى حاجه ابنك وكأنه مش ابنكم
حماة سالى : عموما ابقى اسألى الشغاله هى اللى بتنضف انا لا اعرف حاجه ولا بشيل عيال

سالى : عن اذنك انا هنام
حماة سالى : تصبحى على خير
وفعلا حماة سالى نامت على السرير وسالى نامت جمبها وابتدت سالى تفكر فى كلام دينا صاحبتها وكل كلمه قالتها بترن فى ودان سالى.. هو ابنك مات طبيعى زى كل مره واشمعنى ولادك ما البيت فى سلايفك وحماتك واولادهم بس سالى قالت فى سرها يارب انا خايفه أظلم وقالت كمان ما بنات خاله ثروت قاعدين معانا برضه بس بنات محترمه وكفايه وقفتهم جمبى ده هما اللى بيهونوا عليه العيشه فالبيت ده انا مع ان كل واحده فيها عيوب بس اتعودنا على بعض ومش ناسيه انهم عقارب بس اتأقلم عليهن  وسالى راحت فالنوم والدموع على خدها

ومن ناحيه تانيه ثروت قاعد فى سريره وماسك موبايله وفاتح الفيس بس من غير ماسنجر بيتصفح بس وكان فاتح الفيس بيتسلى بس دموع مالك مغرقاه وفجأه لاقى ايد مسكاه واتخض وقال ايه ده سحر بنت خالتى
سحر : شد حيلك انا جبتلك لقمه تاكلها
ثروت : شكرا يا سحر
سحر : انت بتعيط
ثروت : تالت ولد ليه انا مقهور مش قادر على فراقهم وقولت مالك هيعوضنا
سحر : ربنا يعوض عليك بس عاوزه اقولك حاجه بصراحه كده قدم سالى وحش عليك انت عارف يعنى ايه كل عيل تجيبوا يموت ومن غير سبب صدقنى انا بحب سالى بس ده غصب عنى

ثروت : يعنى ايه قدم سالى وحش ده مقدر ومكتوب وانا راضى بقضاء الله
سحر : تصبح على خير 😁
ثروت :وانتى من اهله
وسحر دخلت على اوضتها تنام مع اختها وثروت ساب التليفون ونام وكل اللى فى الڤيلا نايم لحد ما اذان الفجر إذن وقامت سالى تصرخ ولقت نفسها نايمه فى اوضه حماتها بس ملقتهاش جمبها على السرير وقالت هى راحت فين دى 😒 انا حاسه انى حماتى وراها سر كبير انا خايفه لايكون كلام دينا صح وانا هطلع عبيطه 👌 وقالت بس وغلاوه ولادى لا اقلب الترابيزه على الكل ان شالله تخرب انا عشت هنا اربع سنين اعرف اللى محدش يعرفه وزى ما بدمرونى هدمركم واحد واحد وانا وانتم والزمن طويل والعين بالعين والبادى أظلم وقالت لما اققوم اشوف حماتى العقربه فين ربنا مكانش خدك انتى وارتحت انت قادر يارب

وسالى قامت تشوف حماتها وخرجت بره الاوضه وقالت هو ايه الصوت ده وقالت ده صوت صباح  بنت خاله جوزى من وقت ما اتجوزت وهى حطانى فى دماغها انا انسى يوم دخلتى ونظراتها ليه وقال ايه كانت فاكره العقربه خالتها اللى هى حماتى ان هى هتحبنى اكتر منها ومن اختها وكانت غيرانه على حماتى لحد ما عينها الفقر هى واختها دخلت حياتى من اول يوم جواز يوم دخلتى حماتى أمرت انى انام معاها وثروت ينام لوحده فى اوضته وكانت ليله سوده وجوازه مش طبيعيه

وفعلا سالى راحت وقربت من اوضه صباح وسمعت صباح بتقول لخالتها يا خالتى الشيخه مبسوطه منك وبتقولك زودى الفلوس والمره دى عاوزه قطر جديد بس خالتها قالت بصراحه الشيخه دى بتجيب من الآخر قوليلها من عنيه الاتنين من جنيه ل100 الف جنيه بس يارب تكمل على خير وبرضه هجيب لها قطر
وصباح وطت صوتها وقالت كلام بصوت واطى وكانت بتوشوش صباح وسالى واقفه بتتسنط عليهم بره وقالت قطر مين وشيخه مين ويا ترى حماتى بتعمل عمل لمين وحطت ايدها على قلبها وقالت يا مصيبتى لا تكون بتعمل عمل ليه اظاهر كده كلام دينا صح بس ورب العزه لخرب بيوتكم

ودخلت على اوضه حماتها تكمل نوم ومحدش حس بسالى انها خرجت من الاوضه وبعد ما سالى دخلت الاوضه يا دوب نامت ولقت حماتها دخلت وقالت فى سرها كويس انها محستش بيه
وفى صباح اليوم التالى سالى قامت من النوم وكانت الڤيلا مليانه ستات العيله علشان يعزوا فى مالك ابن ثروت وسالى والكل قاعد ستات العيله وسالى نزلت والدموع ماليه عينيها وقاعده تبص لسلايفها وقالت فى سرها كلهم ولادهم معاهم الا انا بس ليه يارب😔 وقالت وغلاتك يا مالك انت واخواتك اللى حصلتهم لا اخد أرواح ولادكم كلها لو عرفت ان اى حد فيكم لى يد فى موت ولادى 😭
ثروت : سالى انا هروح مع اخويا عثمان وعبده ومحمود فى مشوار كده

سالى :روح وانا بتكلم والا اققدر اتكلم
ثروت : فى ايه بالظبط ده قدر يا ست هانم
سالى : بالذمه ينفع تسبنى لوحدى طول الليل مع الحجه مامتك فى يوم موت ابننا ولا نسيت ما كفايه يوم دخلتنا ما انتى سبتنى لوحدى وبرضه جمب امك
ثروت : انتى مالك فيكى ايه اول مره اشوفك بتتكلمى بالأسلوب ده
سالى : اوف من الغلب يا اخى وسع كده انا ماشيه خالص
ثروت : ماشيه فين والناس اللى بتعزى
سالى : ناس ايه وبتاع ايه انا عيالى بيموتوا كل لما اخلف عيل يموت لوحده انا هتجنن كل لما اشوف ام شايله ابنها وانا لأ لأ 😭😭

ثروت خدها فى حضنه قدام الكل وسالى بكل خباثه قالت فى سرها انا هفوق لكم وهلاعبكم عالشناكل وثروت ده هيبقى فى جيبى واللعب هيبقى على كبير وانتى يا حماتى يا عقربه لازم اعرف حكايتك انتى والعقربه صباح بنت اختك وحكايه الشيخه دى ايه وهفضحكم ده ولادك لو عرفوا انك بتروحى لشيخه يا حجه بيت ربنا شوفى بقى هيحصل ايه ويا ترى ليه وبتعمل كمان أعمال ده انتم نهاركم مش فايت معايا وقامت سحر بنت خاله ثروت وقالت تعالى يا سالى اققعدى ومسحت دموع سالى وثروت مشى مع اخواته وسالى قاعده بتاخد عزا مالك وبصت لقت دينا صاحبتها قصدها وسالى فرحت اوى وقالت لدينا اققعدى جمبى وقعدت جمبها

دينا :مقدرتش مجيش واسيبك لوحدك
وبصوت واطى سالى قالت باين كده عندك حق فى حاجات عاوزه اقولك عليها وانتى هتساعدينى فيها
دينا :من عنيه وانا ايدى فى ايدك بس قوليلى مين دول
سالى بصت على بصت دينا وقالت دول سلايفى دى ولاء مرات عثمان وعندها بنتين وفى حالها اما التانيه ف مروة مرات محمود ودى بقى عندها 3بنات وعقربه حشريه اوى اما التالته السوسه الكبيره علا مرات عبده ودى عندها بنت وحامل فى بنت كمان
دينا :امممم مش ملاحظه حاجه انهم كلهم عندهم بنات وانتى اللى خلفتك صبيان يا عبيطه ودول صعايده يعنى بيحبوا الصبيان

سالى : قصدك يكون اللى فى بالى
دينا :اكيد يا سالى صدقينى ليهم يد
سالى: بس وفاة ولادى طبيعيه
دينا : وايش عرفك يمكن متفق معاهم
سالى : معقول ده لو كده ده انا هخرب بيوتهم وهاخد روح ولادهم 😁

وسالى قامت وقالت لدينا انها هتطلع فوق تجيب حاجه من اوضتها ومش هتتأخر وفعلا طلعت على اوضتها ولما طلعت شافت ولاء بتتكلم فى الموبايل وكانت بتتكلم بصوت وكأنها زعلانه وبتقول ابوس ايدك ابعد عنى ده لو جوزى عرف يقتلنى…..

الجزء الثالث من رواية جوازة مش طبيعية

جوازة مش طبيعية الجزء الثالث

وسالى سمعت ولاء سلفتها بتتكلم فالتليفون وبتقول ابوس ايدك ابعد عنى ده لو جوزى عرف يقتلنى وسالى قالت فى سرها مين ده اللى يبعد عنها اه ما هى طول النهار والليل قاعده على الفيس تلاقيها عرفت واد صايع ضحك عليها انا من زمان شايفه مصايب فالبيت ده بس كنت عايشه فى حالى إنما اللى حصلى مش سهل لو عرفت ان ليهم يد فى قتل ولادى هخرب بيوتهم واحد واحد

ولاء : ابوس ايدك انا عندي بنات ترضاها على اختك

سالى قالت كل ده بتتكلم انا لازم اققرب منها واسمع هى بتقول ايه

وفعلا سالى اتسحبت وقربت من ولاء وفضلت تتسنط وسامعه ولاء سلفتها بتترجاه فالتليفون وبتعيط وسمعتها بتقول طيب ياريت تعدى اليومين دول ويوم الخميس هكون عندك بس يومين العزا يعدى علشان ابن سلفتى اتوفى والبيت مش فاضى

سالى : اظهرى يا طاهره على حقيقتك وكنت بقول عليكى غلبانه ده انا هوريكم وافضحكم بس اعرف مين لى يد فى قتل ولادى

ولاءقفلت الفون وشافت سالى واقفه وسالى عملت نفسها بتعيط

ولاء: متزعليش يا سالى ان شاء الله ربنا يعوض عليكى

سالى : الحمد لله بقولك يا ولاء انتى كنتى بتكلمى مين اصلى شوفتك مضايقه وتعبير وشك بيدل انك متعصبه

ولاء : دى اختى يا ستى كانت بتقولك البقاء لله وقال ايه عندها شغل ومش قادره تيجى علشان كده اضايقت

سالى قالت فى سرها امممم يبقى الموضوع فى سر علشان هى خبت عليه والهبله مصدقه نفسها

اما فضحتكم ده انا هخرب بيوتكم

ولاء : عاوزه حاجه يا حبيبتى

سالى : لا انا نازله اقعد مع الناس بس كنت داخله اوضتى علشان اغير هدومى عن اذنك انا عشر دقايق ونازله

وفعلا ولاء نزلت وسالى دخلت اوضتها تغير هدومها ولما دخلت وفتحت الدولاب قالت للأسف انا مش عندى حاجه سوده خالص لأنى مش بحب اللون الاسود لون كئيب اوى بس لازم اللبس اى حاجه سوده وافتكرت انها عندها فستان اسود وفتحت الدولاب وفضلت تدور عليه ملقتهوش وقالت هو راح فين عموما بعدين هبقى ادور عليه وخدت بعضها ونزلت على تحت تقعد فالعزا ونزلت ورجعت قعدت جمب دينا وقالت لدينا الحمد لله انى طلعت عرفت حاجه مهمه اوى

دينا : خير عاوزه بشرى حلوه

سالى : بعدين مش هينفع هنا علشان محدش ياخد باله وقالت عارفه يا دينا انا عمرى ما كنت بدقق فالحاجات دى كنت بقول وانا مالى وفعلا طلعت عبيطه وهبله

سحر : سالى متعرفش ثروت جوزك راح فين

سالى :مش وقته يا سحر بس عموما هو راح مع اخواته مشوار

سحر : عثمان ابن خالتى هنا

سالى :يمكن رجعوا

سحر : معرفش

سالى قالت لسحر انها هتسأل عثمان اخو ثروت عنه ولو رجعوا من المشوار فين جوزها واستغربت اوى

وقامت تسأل عن اخوه ثروت ولقيته واقف عثمان واقف مع راجل غريب وسمعته بيتفق معاه وبيقول لو مبعدش عنى هقتله وخلى بالك انا محدش من اخواتى يعرف حاجه وانت شايف البيت كله ناس وكله مشغول بس لما يفوقوا وأولهم اخويا ثروت هيسأل وهتبقى واقعه سوده ياريت تنجز ان شالله تزور التوكيل

سالى قالت فى سرها هههه ما شاء الله مراتك ولاء بتاعه رجاله وانت مش عارف حاجه وفاكرها ملاك

وانت قتال قتله وكمان حرامى وبتسرق فى اخواتك سبحان الله ما وفق الا ما جمع والطيور على أشكالها تقع اما فضحتكم بس اصبروا عليه وقالت بصوت عالى عثمان فين ثروت

عثمان : معرفش

سالى : بس هو قال انه رايح معاكم مشوار

عثمان : سالى انا عندى ضيوف ما تكلميه فالتليفون سهله يعنى عن اذنك

وساب سالى واقفه مكانها وخد الراجل اللى كان معاه ومشى

سحر : عرفتى فين ثروت

سالى : لأ وبعدين انتى عاوزاه فى ايه

سحر : مامته قصدى خالتى عاوزاه

سالى : بصى يا سحر انا اللى فيه مكفينى قوليلها هو راح مع اخواته وسعى كده

دينا : يا سالى فين ناس عاوزه تعزيكى وبعدين فى حاجه غريبه انا شوفت اللى اسمها مروة دى سلفتك خدت بنت صغيره من بنات اللى موجوده وخرجت بره فالجنينه

سالى : بنتها يا دينا فى ايه بس

دينا : معرفش بقى المهم انى علشان خاطرك مركزه مع كل الموجودين

سالى : طيب بقولك البنت اللى معاها قد ايه

دينا : كانت على ايديها

سالى : لأ هى بناتها كبار انتى بتقولى خرجت الجنينه

وفعلا سالى سابت العزا ونسيت كل حاجه فى سبيل تعرف ولادها مين موتهم لان خلاص الوسواس سيطر عليها وخرجت ورا مروة الجنينه وشافت حاجه غريبه لقت شنطه سوده مرميه فى جمب ومركونه وشكلها واقعه من حد ومسكت الشنطه وفتحتها ولقت فى فستانها الاسوده اللى كانت بدور عليه ومعاه ورقه مكتوبه وطلعت الفستان من الشنطه وقالت ده فستانى وعينها جت على البسين وشافت مروة واقفه وبنت سلفتها اللى عمرها سنه ونص واقفه جمب مروة وفجأه سالى قالت يانهار اسود دى زقتها فالبسين……

رواية جوازة مش طبيعية

رواية جوازة مش طبيعية

الجزء الرابع من رواية جوازة مش طبيعية

وسالى شافت مروة بتزق بنت ولاء سلفتها فالبسين وسالى جريت تلحق البنت ومروة جريت ومحدش شافها إنما سالى شافتها وفضلت تصوت زى المجنونه وتقول الحقونى البنت وقعت فالبسين وبتغرق والڤيلا والناس اللى بتعزى كلهم

اتلموا بس ثروت مكانش موجود إنما عثمان ابو البنت كان موجود ومسك سالى وبصوت عالى قال فى ايه بس سالى كانت مخضوضه وقالت بنتك وقعت فالبسين وعثمان نزل ورا البنت وللأسف البنت غرقت وماتت وعثمان طلع وع ايده بنته وحزين وفضل ينوح زى الستات وولاء فضلت تصوت

على بنتها وكأن الڤيلا شوم ومكتوب عليها الحزن والغريب ان سالى الشر أتمكن منها خلاص  ومقالتش ان مروة زقت بنت ولاء سلفتها وعثمان اتصل بالدكتور علشان يأكد وفاه بنته مع انه عارف انها ماتت بس علشان تصريح الدفن والعزا بقى اتنين عزا ابن سالى وبنت ولاء بس سالى قالت فى سرها انا كده مسكت على مروة اللى يوديها فى داهيه
دينا : شوفتى يا سالى مش قولتلك سلفتك ماسكه البنت وهتعمل حاجه

سالى : يخربيتك اسكتى يا دينا دلوقتى
وطبعا الكل حزين ع موت الطفله وولاء مموته نفسها من العياط وعثمان مش عارف يعمل حاجه غير انه يعيط ع بنته وحتى امه كانت منهاره وسالى فى وسط اللمه خدت دينا من ايدها وطلعت على اوضتها وكلمتها بصوت واطى وقالت لها اسمعى يا دينا انا عمرى ما فكرت ان فى حد فالبيت ده يفكر يأذينى انا طول عمرى عايشه ومش بدخل فاللى مليش فى وبقول انا فى حالى اربع سنين عيشتهم هنا مع جوزى

واستحملت كتير من يوم ما لبست فستان فرحى وانا لبست كفن ولادى استحملت حماتى من يوم دخلتى وسيطرتها على جوزى وبقول دى أمه وانتى عارفه انى كنت عايشه عيشه كويسه ومدلعه ازاى ورغم كده عيشت واستحملت لحد ما خلفت و3 ولاد ليه زى الفل ماتوا من غير سبب لحد ما ربنا وهبك ليه ونور بصيرتى ولازم اخد حق ولادى
دينا : انا معاكى لحد ما تعرفى مين اللى قتل ولادك انتى عندى اكتر من اختى يا سالى

وسالى حضنت دينا وقالت بكل خباثه وفى سرها انا بقيت اخاف من خيالى ومش بثقك فى حد حتى انتى يا دينا ولازم اخدك ع قد عقلك
دينا : بتقولى حاجه يا حبيبتى
سالى : لأ بصى حسك عينك حد يعرف موضوع مروة
دينا : طيب ممكن سؤال

سالى : اسألى وبسرعه قبل ما حد ياخد باله انى مش موجوده تحت
دينا : هى فعلا سلفتك مروة دى 😁 قتلت البنت
سالى سكتت وقالت بكل خباثه وقالت لأ مش بالظبط هى سابتها جمب البسين ويا عينى البنت طفله اتزحلقت ووقعت يا حرام
دينا : الله يرحمها

سالى مسكت دينا وقالت لها انا هحتاجك كتير يا دينا وسالى راحت فتحت دولابها وخدت فلوس وادتها لدينا وقالت لها انا عاوزه تليفون وخط ضرورى
دينا : اوك بكره هيكون عندك
سالى :لأ دلوقتى يلا روحى اشتريه ولما تشتريه كلمينى وانا هطلع اخده منك تمام
دينا : حاضر

وفعلا دينا مشيت علشان تشترى فون وخط لسالى
وسالى لسه فى اوضتها وقالت يا انا يا هما فالبيت وهنا الشيطان سيطر على سالى ووسوس لها وقالت علشان اعيش فالبيت ده وأخلف ويعيشلى اولاد لازم يمشوا من البيت كلهم سلايفى واجوزاهم وبناتهم وضحكت ضحكه بصوت فعلا ضحكه شيطانه وقالت بدل ما اخد روحهم واولهم بنت ولاء غارت وماتت محدش من هنا ورايح هيصعب عليه هو انا وولادى صعبنا على مين علشان يصعبوا عليه وخدت بعضها ونزلت تحت وعملت نفسها واقفه تعيط ع بنت سلفتها

ووقفت جمب مروة وقالت بصوت واطى ههه بيقتلوا القتيل ويمشوا فى جنازته وهنا بقى مروة زغرت لسالى زغره رهيبه بس سالى عملت عبيطه ووقفت جمب ولاء وحماتها وطبعا عثمان مشغول مع الدكتور علشان يدفنوا البنت وسالى قالت فى سرها ان شاء الله كلكم هتبقوا بره الڤيلا اما سحر وصباح ولاد خاله ثروت ملهمش لازمه دول غلابه المهم العقارب اللى قتلوا ولادى
ولاء : اه يا ابنى وتلفونها رن
سالى : تليفونك بيرن يا ولاء

ولاء : سبينى فى حالى انا فى ايه ولا ايه
وسالى خدت التليفون من ايدها وردت وسمعت راجل بيكلمها ومن غير ما تتكلم قال انتى يا ست ولاء لو مجتيش الخميس ع اتفقنا هقول لجوزك ان چنه بنتى بس سالى قفلت وقالت چنه اللى ماتت بنته يا حلاوه ههههههه ده شكل الموضوع هيحلو اوى يبقى اول اتنين هيطلعوا من هنا ولاء وعثمان عليه وعلى اعدائى وخدت رقم الراجل وسجلته على تليفونها وعملت بلوك للراجل من عند ولاء وحذفت الرقم وسابت تليفون ولاء على الكرسى واتصلت بدينا صاحبتها وقالت اشتريتى التليفون والخط

دينا : اه انا فالطريق
سالى : انا طالعه بره استناكى اصلا كلهم مشغولين بوفاه البنت ومحدش واخد باله من حد وقفلت مع دينا وسالى خرجت بره الڤيلا ولقت فى وشها ثروت وأخوه محمود وعبده راجعين يعيطوا بس سالى اتعمدت تستخبى وخرجت لدينا ولقت دينا واقفه وخدت الفون وظبطته وقالت لدينا تمشى ودخلت فى مكان فالڤيلا محدش بياخد باله منه

واتصلت بالراجل اللى يعرف ولاء وكلمته ورد عليها وقالت إنها تبع ولاء وكانت عاوزاه ميكلمهاش تانى وابتدت تسجل المكالمه لما قال ان چنه بنته وهو وولاء كانوا على علاقه ببعض وقفلت فى وشه وفتحت فونها وجابت تليفون عثمان وقالت لازم احذر من كل حاجه وكتبت على التروكولر اسم وهمى وسجلت رقم عثمان على التليفون الجديد وبعتت التسجيل بتاع الراجل على الواتس اللى بيقول فى ان چنه الطفله اللى ماتت انها بنته وانت على علاقه ب ولاء مراته

وسالى قالت لازم اخرب بيوتهم واحد وحقى وحق ولادى هجيبه وبعتت التسجيل واداها شرطتين وقالت يارب يشوف وقالت لازم اتصل بيه وفضلت ترن عليه كتير لحد ما رد وقفلت فى وشه وشاف رساله الواتس واداها علامه زرقا وسالى حطت بطيخها فى بطنها وقالت هههههههه اكيد قراها اشربوا بقى وقفلت الفون ودخلت الڤيلا واول ما دخلت بصت فى عين عثمان وكان كلها شر ولقيته بيزعق وبيقول اتفضلوا كلكم اطلعوا بره مش عاوز حد غريب الدكتور بيقول فى إجراءات تانيه والدفن بكره علشان التصريح مطلعش وهنا سالى اتأكدت ان الرساله وصلت
وقدام العيله كلها ولاء قالت هو فى ايه يا عثمان وهى بتعيط إجراءات ايه
عثمان : ولاء انا هعمل للبنت تحليل دى ان ايه
سالى : ههههههههههه خربت…

الجزء الخامس من رواية جوازة مش طبيعية

وعثمان قال هيعمل تحليل دى ان ايه وسالى فرحت وقالت ههههههه خربت وقالت فى سرها اكيد سمع التسجيل اما خربت بيوتكم وخدت طار ولادى

ولاء : عثمان انت بتقووول ايه
عثمان مسك ولاء من ايدها قدام اهله وقال مالك ارتبكتى ليه هى چنه مش بنتى فعلا انطقى
ولاء : اسكت اسكت ازاى تقول كده

عثمان : انا هعمل التحليل واخلص ولو طلع ايجابى هفضحك ومش هسيبك ومش هطلقك هخليكى زى البيت الوقف
سالى قربت من عثمان وبكل خباثه قالت اعمل التحليل وريح نفسك هى شكلها واثقه من نفسها
ولاء : انا هقولك كل حاجه بس مش هنا
سالى : لأ هنا من حقنا نعرف ولا ايه يا جماعه
ثروت : سالى اسكتى خالص وانت يا عثمان بتخرف تقول ايه البنت لازم تدفن حرام عليك
عثمان : تعالى يا هانم

وفعلا خد ولاء مراته ودخل على اوضه فالڤيلا وقالها احكى كل حاجه
ولاء كانت منهاره وقالت انا هقولك بس ارحمنى
عثمان : بقولك انطقى وقولى
ولاء : انا كنت بقعد عالفيس كتسليه مش اكتر لحد ما دخلت جروب من الجروبات اللى على الفيس كان جروب مختلط وكنت بعلق على البوستات زى اى حد كان فى واحد كل ما علق يدخل يكلمنى وانت وقتها كنت مشغول وبتسافر حتى لما كنت بكلمك مكنتش بترد لحد ما جه اليوم وأصحاب الجروب عملوا رحله للاعضاء المتفاعلين للتعارف على بعض وفعلا كلنا اتجمعنا فى مكان
عثمان : فين انطقى😁

ولاء: فى رحله فى اسكندريه فاكر لما قولتلك
عثمان : اه فاكر لما كنتى هتتجننى ووقتها قولتى الرحله مع اختك
ولاء : اه وفعلا انت وافقت ورحت انا معاهم واتعرفت على الشاب ده هناك ومع الايام حصلت بينا علاقه بس وحيات بنتى كان حاطط ليه حاجه تخدرنى لأنى محستش بنفسى وحملت فى چنه ومن وقتها وهو بيهدددنى
عثمان انهار وخد ولاء من ايدها وقال شايفين دى مراتى الفاجره خلاص انا اتفضحت انا اسف ليكم كلكم لأنى معرفتش اختار ومسك ايد بنته التانيه وقال معلش يا بنتى اخترتلك ام غلط وبص لولاء وقال انا خايف لا تكون كمان دى مش بنتى

ولاء : ابوس ايدك حرام عليك
ثروت : البنت لازم تدفن
وفعلا كلهم أجمعوا ان البنت ملهاش ذنب ولازم تدفن وفعلا ادفنت وعثمان مرحش الجنازه ولما رجعوا عرفوا ان عثمان طرد ولاء وطلقها وخد بنته منها بس سالى قالت انت وبنتك كمان لازم تمشوا من هنا ولازم اضرب عالحديد وهو سخن وقالت
سالى : معلش يا جماعه انا اسفه فى حاجه لازم اققولها لعثمان 😁 انا عارفه انه مش وقته
عثمان رد على سالى بصوت مكسور وقال انا مش ناقص
سالى : ما هو اللى ياخد حق اخواته وامه ويضحك عليهم لازم يحصله كده

ثروت :انتى بتقولى ايه اخرسى
عثمان رد وقال انتى عندك حق يا سالى انا حرامى وهنا بقى رد محمود اخوه وقال انت بتسرقنا يا عثمان
عثمان : اه انا حرامى يا محمود انا حرامى يا أمى والامانه اللى امنتينى عليها خونتها يا يا امى
وهنا أمه قالت انت ابنى اللى ربيتك يلا اطلع بره وخد بنتك معاك انت مش ابنى ولا اعرفك بره بره وفعلا عثمان خد بنته وخرج بره البيت مكسور
سالى قالت فى سرها ولعت وخلصت منكم ولسه التقيل جاى

والڤيلا مفيهاش غير العيله متجمعه وعثمان اطرد منها
سالى راحت وقالت لمروة بقولك ايه خلى بالك من بناتك كويس علشان كما تدين تدان ههه يا حبيبتى بس مروة قالت لسالى انتى تقصدى ايه
سالى : ههه ولا حاجه
وسالى طلعت على اوضتها وقالت خراب يا دنيا ههههههههههههههه وقالت انا مش هرتاح غير لما عقارب البيت يمشوا سلايفى الكرام

ثروت طلع ورا سالى وقالها حبيبتى النهارده اليوم كان مش تمام انا حاسس انى بحلم
سالى : خد عقابه اخوك ومراته يستاهلوا كده
ثروت : ياريت متدخليش فى حاجه تانى انا اول مره اشوفك بالشكل ده
سالى : ده حق
ثروت : تعالى نامى جمبى
سالى : انا مش هنام دلوقتى خالص
وثروت حط دماغه على المخده وراح فى سابع نومه وسالى قعدت على الفوتيه وبتفكر ازاى تزيح مروة وعلا سلايفها من طريقها ما الشيطان وسوس ليها خلاص ولعب فى دماغها

وفجأه قالت اه صحيح انا نسيت الشنطه اللى فيها فستانى الأسود وكمان انا فاكره ان كان فى ورقه بس انا اتلهيت فى موضوع موت چنه فالبسين لما انزل اشوفها
وفعلا سالى نزلت تتسحب وخرجت بره الڤيلا وراحت لحد البسين تشوف الشنطه وبصت ولقت الشنطه زى ما هى وحست برجل حد جاى ناحيتها وقامت جريت واستخبت وقالت يا ترى مين اللى نازل الجنينه دلوقتى وفى الوقت المتأخر ده شافت خيال وكل ما يقرب اكتر هى تستخبى بس مش شايفه فالضلمه ولقت حد مسك الشنطه وبصت وتنحت وشافت صباح ماسكه الشنطه وسالى قالت فى سرها ايه اللى يخلى صباح تاخد فستانى وجريت بسرعه ومسكت صباح بس صباح اتخضت وقالت سالى ايه اللي جابك هنا

سالى : ده بيتى وبيت جوزى يا حيوانه انتى اللى قاعده انتى واختك معانا ضيوف مش اكتر ولا اققل ومسكت صباح من هدومها وقالت ردى عليه يا صباح ايه اللى جاب فستانى معاكى
صباح : فستان ايه معرفش
سالى : انتى هتخيبى قولى احسن ما ألم عليكى البيت واخلى ثروت يطردك من هنا انتى واختك
صباح : انا هقولك بس متقوليش لحد ابوس ايدك
سالى : قولى
صباح : مش قادره
سالى : اوعى تفتكرى ان خالتك الست الكبيره هتحميكى لا يا حلوه اوعى تسندى عليها
صباح : خالتى هى اللى جابت الفستان كانت عاوزه قطرك
سالى : ليه

صباح : هى راحت لشيخه علشان تعملك عمل والله انا واسطه مليش دعوه
سالى : ليه تعملى عمل
صباح : الشيخه قالت لها أنك شوم على العيال وبيموتوا وخالتى طلبت من الشيخه تعملك عمل تكرهى ثروت
سالى : اه ماشى
وسالى مسكت الشنطه وخدت الورقه اللى فيها ومسكت تليفونها وقالت لصباح تسجل كل كلمه وفعلا صباح سجلت كل الكلام واعترفت ان خالتها عاوزه تمشى سالى من البيت وبتعمل لها أعمال بكده سالى مسكت والله اعلم يحتمل ان يكون دليل على صباح وقالت بصى يا صباح يا جاريه وعابده لخالتك انا

مش هقول حاجه بس بشرط واحد ولو موافقتيش هقول للكل وانتى هتبقى بره البيت انتى واختك وكمان ملكيش امان تقعدى فى وسطينا
صباح : شرط ايه😭
سالى : تقولى ان مروة زقت چنه فالبسين……

الجزء السادس من رواية جوازة مش طبيعية

وسالى مسكت على صباح دليل وقالت لصباح تقول ان مروة زقت چنه فالبسين يأما تقول ان صباح قالت إن حماتها بتعمل عمل لسالى 😇 بس صباح قالت لسالى وليه نقول على مروة كده دى ممكن تتحبس فيها؟

سالى.: لا متخافيش دى روح محمود جوزها وهيدافع عنها بقلبه وهيخافوا كمان من الفضايح وبعدين انتى ناسيه ان چنه دى طلعت مش بنت عثمان يعنى مش هيحصل حاجه لأنها مش من العيله🙄
وسالى قالت فى سرها لازم اثبتها لحد ما توافق
صباح : بس حرام ده ذنب

سالى : نعم يا اختى 🤚 ومش حرام لما انتى وخالتك تخربوا بيتى وعاوزين جوزى يكرهنى
وسالى قربت من صباح ومسكت ايدها وقالت هتقولى ولا افضحك انتى وحماتى قصدى خالتك
صباح : 🙆‍♀️ هقول بس ازاى

وسالى فضلت تبص حواليها وقالت بصوت واطى صباح اعملى اللى هقولك عليه اول لما النهار يطلع انا هتصل بيكى وطبعا انتى هتكونى بتعملى الفطار وياريت تتعمدى تكونى شايفه خالتك او ثروت جوزى ولما اتصل بيكى تردى عليه وتتكلمى معايا على انى واحده صاحبتك وانتى مخنوقه من اللى حصل وانك شوفتى مروة بتزق چنه وعيطى والباقى بقى سبيه عليه انا ويلا تصبحى على خير واستنى تليفونى وياريت تسجليه بأسم تانى

صباح : وأنتى من اهله يا سالى
وسالى مشيت وطلعت على اوضتها وصباح واقفه مكانها وقالت مش عارفه اعمل ايه 😒 سالى طلعت مش سهله
وصباح طلعت تنام
وفى صباح اليوم التالى سالى صحيت من النوم هى وثروت على صوت خبط جامد على الباب وثروت قام يفتح لاقى اخوه محمود بيقولوا ان امه ضغطها عالى وعاوزين جهاز الضغط وفعلا ثروت كان عنده الجهاز ودخل يقيس الضغط لأمه بس امه كانت نفسيتها مدمره بسبب عثمان ومراته

وموت چنه واول ما ثروت قاس الضغط لأمه سالى دخلت عليهم وعملت نفسها بتطمن على حماتها وشافت صباح واقفه جمب خالتها وقالت انا هدخل اوضتى واكلمها من جوه لازم استغل الموقف وثروت موجود وفعلا دخلت على اوضتها وكان ثروت مركز مع امه وسالى اتصلت وصباح رددت عليها بصوت واطى وسالى قالت ليها يلا انا بسمعك وابتدت صباح تتكلم بصوت عالى لحد ما شافت ثروت مركز مع صوتها وعملت نفسها مش واخده بالها وقالت انا تعبانه ونفسيتي مدمره ونفسى افضفض مع حد من وساعه ما چنه ماتت وانا مخنوقه وشايله ذنبها انا تعبانه

ثروت قرب من صباح وقالها شايله ذنب موت چنه ليه اققفلى الزفت ده
سالى سمعت ثروت وقالت خربت 😂 الخطه اللى رسمتها اتنفذت والعبيطه صدقت وهضرب عصفورين بحجر واحد لما اروح اشوف بيحصل ايه وفعلا سالى راحت على اوضه حماتها ولقت ثروت ماسك صباح وبيقولها قولى ذنب ايه اللى شيلاه

سحر : فى ايه مالكم مالك يا ثروت
وقربت من صباح وقالت مالك شكلك مفزوعه ليه كده
ثروت : انطقى قولى فى ايه
سالى : فى ايه يا ثروت ايه اللى حصل طنط فيها حاجه
ثروت مسك صباح وقالها انطقى
صباح : اه انا شايله ذنب چنه المسكينه
وهنا ومع دوشه صباح وثروت ام ثروت قامت من سريرها وخرجت قدام الاوضه وقالت فى ايه

ومروة ومحمود جايين يجروا ومحمود قال ماما فيكى حاجه وشاف ثروت ماسك فى صباح وقال وهو مستغرب فى ايه يا ثروت
ثروت : لما حضرتها تتكلم هعرف
صباح : انا انا انا وبصت لمروة وقالت انا شوفت مروة بتزق چنه فالبسين

مروة شهقت اوى واتخبطت فالكرسى وقالت لا كدابه
صباح : اه شوفتك بعينى البيت كان فى ناس كتير فالعزا وانا كنت واقفه جمب البسين وشوفتك وانتى بتزقى چنه يا مفتريه حسبى الله ونعم الوكيل فيكى هيقعد فى بناتك
مروة : انتى بتقولى ايه يا نهار اسود يا نهار اسود
محمود : صباح متأكده
صباح : اه 😭

سالى قالت فى سرها اللبسى يا مروة وخربت عليكى وكلكم هتبقوا بره البيت
محمود مسك مروة وقالها انتى زقيتى چنه
مروة : والله لا صدقونى
سالى قالت فى سرها يا بنت الكذابين
سالى قالت ثوانى ودخلت قدام الكل قدام حماتها ومحمود وثروت وقدام الكل ودخلت اوضه حماتها وجابت المصحف وقالت ادخلى اتوضى يا مروة وامسكى كتاب ربنا واحلفى عليه

مروة : ها ها لا انا مش هحلف
سالى : خلاص تبقى صباح صادقه
محمود : انتى قاتله يا مروة
ومروة انهارت وقالت اه قتلتها كنت بخلصكم من الفضايح انا سمعت ولاء وواحد بيهددها وعرفت ان البنت مش بنتكم قولت اخلصكم من العار
محمود جز على أسنانه وقال وانتى مالك دى روح 😁 تقتليها

ثروت : هو البيت ده مفهوش امان
مامت ثروت : ولاء مشيت ومش عاوزين شوشره خلصنا محمود خد مراتك وروح على اوضتك
سالى فى سرها الله يخربيتك هتبوظى الدنيا يلا تستاهلى اللى هعمله فيكى
سالى جريت فى حضن ثروت وعيطت وقالت فعلا البيت ده مفهوش امان عارف ان فى حد هنا عاوز يخرب بيتنا وبيعملنا عمل استنى كده وراحت اوضتها جابت الشنطه اللى فيها الفستان والورقه وصباح تنحت وحماتها كمان تنحت وسالى قالت شوف يا ثروت مش ده فستانى شوف فى ايه عمل ومعمول كمان حجاب بخراب البيت
ثروت :هى وصلت لكده ومين ده اللى معندهوش ضمير
سالى : اسأل صباح

ثروت : صباح ايه حكايتك
سحر : هو مفيش غير اختى فى ايه يا جماعه
ثروت : مين يا صباح
صباح :😭😭خالتى هى اللى بتعمل عمل لسالى علشان انت تطلقها
ثروت : كذابه مش معقوله امى تخرب عليه ووقف قصاد امه وقال معقول يا ست الكل 😭يا وجع قلبى
الام وقفت مكسورة وقالت محمود خد مراتك وولادك وامشوا من هنا دلوقتى بدل ما احبسها انا اللى فيه مكفينى
ثروت : لازم تتحبس

سالى : كفايه تمشى من هنا عثمان اخوك يحبسها يولع فيها الشيطانه دى ملناش دعوه
محمود : عندكم حق مراتى مجرمه انا همشى من هنا خالص وخد مروة وبناته ومشى
ثروت : ماما ياريت تسافرى البلد شويه
الام : عندك حق انك تزعل منى بس انا علشان مصلحتك عملت كده
ثروت : مصلحه ايه بس ارحمونى مش كفايه ولادى راحو
سالى : اه يا ولادى
محمود : انا هاخد مراتى وهمشى من هنا ثروت خلى بالك من ماما وخد مروة وبناته ومشى
سالى قالت فى سرها يلا فى داهيه عقبال الباقى
ثروت : ماما خودى صباح ورحى البلد
الام : همشى حاضر انا عارفه انك مش طايق تشوف وشى ودخلت اوضتها

سحر : هو ايه اللي بيحصل ده
سالى قالت فى سرها وخلصنا من حماتى كمان انا عارفه لما بتروح البلد مش هترجع تانى
وقالت كده فاضل علا وعبده بس دول بقى هتصرف معاهم ازاى 😁 عاوزين خطه جهنميه
ثروت : يلا كلكم مش عاوز اشوف وشكم هنا
ومحمود خد مروة ومشى والبيت ابتدى يفضى وسالى الشيطان وسوس ليها خلاص والشر اتملك منها عاوزه تاخد حق ولادها
وثروت نزل تحت ونزلت معاه سالى وقال إنا مخنوق اوى
سالى : عندك حق انا زهقت انا مش هقدر اعيش هنا تانى نفيش امان انا همشى
ثروت :لا البيت من غيرك ولا حاجه
سالى : انا هدخل المطبخ

وسالى دخلت المطبخ ومسكت تليفونها الجديد واتصلت بدينا وقالت لها شوفى اى شاب من اصحابك عاوزاه ضرورى
دينا : ليه
سالى : انا عاوزاه ضرورى
دينا : اوك بس هيعمل ايه
سالى : هقولك بعدين
وقفلت معاها وبعد ساعه بالظبط وبعد ما مروة اتفضحت وممكن كمان تتحبس مشيت هى ومحمود وطبعا حماتها هتمشى هى وصباح على البلد
سالى : لازم اخذ تليفون علا بس ازاى
وطلعت على اوضه علا وفتحت الباب وفضلت تتدور ملقتش وقالت يبقى كده الفون معاها

وتليفون سالى رن وقالت دى دينا لما ارد وفعلا كانت دينا وقالت لها لقيت واحد صديق وثقه هيساعدك فى موضوعك
دينا : بس يا ترى عاوزاه ليه
سالى: هقولك عاوزاه يبعت رسايل لعلا ويجيلها كمان هنا علشان عبده جوزها يشك فيها وكمان انا هوصله لأوضه نومها وهخلى عبده يمسكها متلبسه….

الجزء السابع من رواية جوازة مش طبيعية

سوفيا وقعت على الأرض وفارس جرى عليها ومسك ايدها وقال بابا؟ سوفيا مضروبه مش عارف فى ايه وفارس شال سوفيا ودخل بيها ع اوضتها وفضل يفوق فيها وأسماء مسكت سوفيا وبقت تعيط وتقول مالك يا بنتى ايه اللى صابنا احنا كنا زى الفل وهى بتبص لعبير بس عبير خرجت فى الصاله ومدحت وأسماء قاعدين مع سوفيا ومدحت قال لفارس يتصل بالدكتور وفارس خرج الصاله ومسك الفون يتصل بالدكتور وعبير اول لما شافت فارس قامت ووقفت جمبه وفارس اتصل بالدكتور وطلب منه يجى وبعد ما خلص وقفل معاه راحت عبير مسكت ضهر فارس وابتدت تحسس عليه وفارس قالها مش وقته انا مش عارف اختى فيها ايه😢 وبردوا عبير مش مبطله

فارس : عبير مش وقته وعلى الاققل مش هنا 😁

عبير : انت اللى عملت فيه كده انا بحبك اوى يا فارس بجد مش قادره

وكل لما فارس يبعد عبير تقرب من فارس وتلمسه بأيدها وتحسس ع ضهره

وأسماء ومدحت قاعدين جمب سوفيا ومش عارفين سوفيا فيها ايه

الباب خبط وفارس جرى يفتح الباب وقال الدكتور وصل وخده ودخل بيه ع اوضه سوفيا وكل ده سوفيا لسه مغمى عليها والدكتور كشف على سوفيا وبعد ما كشف خرج بره الاوضه لأنه صاحب مدحت ويعرفه معرفه شخصيه وقال لمدحت عاوزك بره انت والمدام

مدحت وأسماء قالوا فى صوووت واحد خير يا دكتور بس الدكتور طلب يخرجوا بره الاوضه علشان فارس موجود وسوفيا لسه مغمى عليها بس فارس قال للدكتور هى مش هتفوق يا دكتور..

الدكتور قال لفارس انا علقتلها محاليل وبعد ما اخدت الحقنه دى هتفوق ان شاء الله دى كسور وكدمات نتيجه ضرب مبرح وكمان هه…..

فارس : فى ايه يا دكتور اختى مالها حالتها خطيره لدرجه دى

الدكتور : لو سمحت يا مدحت تعالى معايا بس بره ارجوك

مدحت : اتفضل يا دكتور احمد

وخرج مع مدحت بره الاوضه وأسماء، خرجت ووقفت تسمع فى ايه

الدكتور : يا مدحت انا مش عارف اققولك ايه البنت تعبانه ومحتاجه راحه ولازم تعرف مين اللى ضربها

مدحت : فى كسور يا احمد

د. احمد : لا هى كدمات بس مش خير فى حاجه تانيه

مدحت : فى ايه

د. احمد : البنت حاامل 😔

اسماء : يا نهار اسود بنتى انا حامل

مدحت الخبر نزل عليه زى الصاعقه ومش عارف يتصرف ودخل يجرى ع اوضه سوفيا ومسكها وفضل يقولها موتى انتى اللى زيك لازم يمووووت

فارس : فى ايه يا بابا فى ايه بس

مدحت : الهانم بدور ع حل شعرها الهانم اختك حاامل عارف يعنى ايه خلاص اتفضحنا

عبير خدت بعضها وراحت ع شقه نهى اخت مدحت وقالت يا نهار اسود دى بعض الاحداث سوده عموما هبقى اكلم فارس لما الدنيا تهدى شويه

والشقه كلها ولعت بخبر حمل سوفيا وأسماء فضلت تعيط ومش عارفه تعمل ايه ومدحت منهار وزعلان ع بنته ونور عينه اللى تعب فى تربيتها وفارس واقف متمسمر مكانه مش عارف يعمل ايه

وسوفيا ابتدت تفوق والبيت كله مولع نار 🔥 بسبب خبر حملها والكل مش مصدق ان سوفيا تعمل كده

فارس مسك سوفيا وقالها بكل عصبيه مين اللى عمل فيكى كده وسوفيا مذهوله وقالت عمل فيه ايه محدش عمل فيه حاجه بقولك انا عملت حادثه

اسماء قالت اه ما انتى كذابه زى ابوكى تعملوا مصايب وتقولوا حادثه ابن الوز عوام هو انتى هتجيبيه من بررره وفضلت تعيط بس مدحت كان مضايق علشان سوفيا ومخدش باله من كلام اسماء

مدحت : انتى بنتى اللى ربيتك احسن تربيه خذلتينى وجرى ع سوفيا وقالها مين اللى عمل فيكى كده لازم تتجوزبه يأما اققتلك واشرب من دمك

الجزء الثامن من رواية جوازه مش طبيعية

سوفيا قالت تقتلنى ليه انا بقولك عملت حادثه يا بابا وقامت واقفت ومسكت جسمها وقالت انا مش فيه حاجه اهو راحت واقعه ع الارض مستحملتش

فارس : سوفيا انتى بتخبى علينا ليه خلاص انا وبابا وماما عرفنا كل حاجه عرفنا انك حاامل يا مدااام

سوفيا : انا انا 🤦‍♀️ اخرجوا بره وانهارت وفضلت تصوت وتعيط

فون فارس رن ومن غير ما يشوف مين رد ع طول وكانت عبير اللى بتتصل وقالت لفارس عملتوا ايه دلوقت بس فارس رد عليها بأسلوب وحش وقالها مش وقته بعدين وقفل فى وشها وقال مش نقصاكى انتى كمان

عبير : اكيد مضايق علشان اخته بس لازم اشوفوا

وفى شقه مدحت الدنيا مولعه والبيت كله مكتئب وكلهم مستنين سوفيا تقول مين

فارس قال ماما بابا انا داخل لسوفيا اتكلم معاها وهعرف منها ايه اللى حصل انا مش هسيب حق اختى

مدحت : اختك عاوزه القتل والدموع نزلت من عينه

اسماء : انت بتعيط يا مدحت

مدحت : معنديش أغلى من سوفيا انا اتمنيت انها تموت 😭 وطول عمرى بتمنى تلبس فستان الفرح

انا بقول دلوقتى ياريتها ما اتولدت انا محرمتهاش من حاجه

فارس قام ودخل لسوفيا وفضل معاها جوه اكتر من ربع ساعه وسوفيا بتعيط وخرج وقال مش عاوزه تتكلم هى بتعيط بس

فارس : ماما بابا متقلقوش انا هحل كل ده وهعرف مين عمل فى اختى كده مش هسيبه وبعدين خلاص احنا عرفنا كل حاجه لا هنقدم ولا نأخر اللى حصل حصل يعنى هنموتها 🤔 احنا نجوزها للى عمل كده

مدحت حط ايده ع خده وتفكيره كله فى سوفيا

اسماء قالت انا مش قادره انام انا حاسه انى تعبانه اوى وحزينه ع بنتى انا قرفت وربنا قرفت مش عارفه الاقيها منين ولا منين وقالت فى سرها من مدحت اللى هيتجوز عليه صاحبتى ولا بنتى اللى ربتها احسن تربيه بنتى انا حااامل 😭

مدحت : اسماء ادخلى نامى انتى انا هدخل البلكونه اشرب سيجاره انا حاسس انا قلبى هيقف 💔

اسماء قالت فى سرها كله منك انت منك لله انت والملعونه اللى تعرفها

ومدحت دخل البلكونه يشرب سيجاره وأسماء دخلت تنام وحزينه ع سوفيا وفارس فضل قاعد فالصاله وعبير بتتصل بيه ومكانش عارف يرد ورد عليها لما مدحت دخل البلكونه وقالها لما يناموا والبيت يهدى هيدخلها الشقه

عبير : بقولك تعالى عاوزاك فى حاجه مهمه

فارس : حاضر يا حبيبتى كلها ساعه وهكككون عندك 😎 وفارس قفل مع عبير ومدحت خرج من البلكونه وقال لفارس يلا ادخل نام وبكره نشوف هنعمل فالامور تشغل البال دى ايه؟؟

فارس : حاضر

وفارس دخل نام والبيت كله سكت وسوفيا فى اوضتها وأسماء نامت ومدحت دخل جمب اسماء وقام يتسحب من جمبها وماشى ع طرطيف صوابعه ورايح لعبير الشقه وهو بيفتح الباب فارس كان خارج لما شاف باباه رجع ع اوضته وقال اه هو اكيد رايح لها 😔😁 بس انا هراقبه وهشوف هيحصل ايه ومدحت فتح باب الشقه ونسى ياخد مفتاح شقه اخته نهى اللى فيها عبير وفارس بيتسحب وراه علشان يشوف هيحصل ايه 😁🤔 وفضل واقف فى صمت

مدحت لما لقى نفسه نسى المفتاح راح خبط براحه عالباب وعبير قاعده مستنيه فارس فتحت لاقت مدحت قدامها وقالت عاوز ايه مش خايف حد يشوفك

مدحت : وسعى عاوز ادخل لحد يشوفنى

عبير : ياراجل عيب عليك فى ظروف بنتك دى يلا ادخل ع شقتك أمشى يا مدحت وقفلت فى وشه

مدحت : يا بنت الكلب انا هوريكى

فارس : هو ده اللعب ولا بلاش ههههههههههههههههه اشرب يا بابا لازم احافظ ع بيتنا سامحنى انت اتجوزت ع ماما اربع مرات عرفى وكمان هنتجوز الخامسه ورسمى 😒 بس انا مش ههقر امى وقال لما ادخل ع اوضتى قبل ما يشوفنى لتبقى بعض الاحداث

ومدحت رجع مكسور الخاطر ودخل زى الكلب جمب اسماء مراته

ولما فارس اتأكد أن ابوه نام وطبعا بعد ما عبير طردته راح ع شقه عبير وفتح بالمفتاح ودخل ونسى باب الشقه مفتوح ومن لهفه عبير اول لما شافت فارس خدته فى حضنها ودخل بيها ع اوضه النوم وقفلوا الباب عليهم بس باب الشقه مفتوح كان موارب

ومن ناحيه تانيه سوفيا صاحيه وقامت حضرت شنطه هدومها وقررت تهرب من البيت وبصت فالساعه لاقتها عدت 4 بالليل قامت فتحت باب اوضتها وخدت شنطه هدومها وخرجت وهى خارجه اوووبا الشنطه خبطت فالترابيزه وكان عليها فازه ووقعت اتكسرت وأسماء

ومدحت قاموا جرى من الخضه الصوت كان عالى وشافوا سوفيا واقفه ومعاها شنطه هدومها ومدحت قال لسوفيا ومسكها من دراعها وقالها انتى يا كلبه كنتى هتهربى كمان كنت هتكملى باقى المشكلة وبقى يزعق وقال لاسماء شوفى بنتك يا ام يا مربيه يا ست هانم وجرى ع اوضه فارس قال تعالى يا فارس بيه شوف اختك وفتح اوضته لاقاها فاضيه وخرج وقال هو فارس فين دلوقت ؟! وقال يمكن فالحمام ودخل ملقهوش وأسماء، وسوفيا واقفين وراح فتح باب الشقه وقال يمكن نزل يشترى حاجه ولمح باب شقه نهى وقال ده الباب مفتوح وقال ايه ده باب شقه عبير مفتوح ليه ودخل الشقه وأسماء وسوفيا خرجوا وراه ولما دخل ملقاش حد فالصاله راح جرى ع

اوضه نوم عبير وكان مخضوض عليها ليكون فى حرامى ولا حاجه ورجع ع شقته وجاب مسدس ورجع تانى وابتدى يخبط ع باب الاوضه ويرزع ويقول عبير افتحى يا عبير؟؟ وأسماء وسوفيا واقفين وراح الباب اتفتح وقال فارس وعبير……..

الجزء التاسع والاخير من رواية جوازه مش طبيعية

 

والباب اتفتح ومدحت قال فارس ابنى ومع مين عبير💥؟ وأسماء وسوفيا واقفين مصدومين وفارس خرج وعبير خرجت وراه ومدحت بص فى ذهوول وقال انت ابنى اللى ربيتك ومع مين مع عبير ومسك اسماء من دراعها وزقها وقال احنا معرفناش نربى يا اسماء الهانم حامل والبيه نايم فى حضن واحده قد امه 💔 احنا معرفناش نربى وقال لا لا انتى اللى معرفتيش تربى دول كانوا فى مسؤليتك انتى انا فى شغلى طول النهار ومش حارمكم من حاجه كان الواجب عليكى تربى ولادك كويس

وكل ده وأسماء واقفه تسمع ومش عارفه تتكلم بس فارس رد وقال. امى ربتنا احسن تربيه ولو كنت غلط ف ده بسببك انت

انت اللى عملت كده فينا يا بابا

عبير : انا بحب فارس وهنتجوز يا مدحت عندك مانع

مدحت : انتى يا يللى ملكيش راجل وخاينه تتجوزى ابنى

عبير : وانت مالك خليك فى حالك ولا اقولك خليك فى اللى انت فيه بلاش اتكلم احسن

فارس : ايه هو فى ايه هو انتوا بتكلموا وتردوا على بعض

عبير وقفت جمب فارس ومسكت ايده وقالت انا بحبك قولهم اننا هنتجوز

فارس: اتجوز هههههههه اتجوز مين انتى؟؟ يلا خودى هدومك واطلعى بره حياتنا

عبير : انت بتقول ايه يا حبيبى لا اوعى تسبنى انا سبت الدنيا علشانك يا فارس

فارس : ابعدى عنى بقولك يلا اطلعى بره وزقها

عبير : اه انا فهمت كل حاجه انت وابوك بتغنوا وتردوا على بعض

فارس : بقولك يلا بره يا عبير

اسماء : انتى خاينه منك لله خربتى بيتى

عبير : لا انتى فاهمه غلط يا حبيبتى 🤣 انتى بيتك مخروب من زمان من اول ما اتجوز عليكى عرفى

مدحت : اسكتى بقولك اسكتى

عبير : خايف ولا اصل ابنك سى فارس فاكر نفسه هيعدل المايله 😂 لا لا انا هقولك يا اسماء جوزك ده اتجوز عليكى 4 مرات عرفى وكان عاوزنى اكون الزوجه الخامسه ده ياما حفى ورايا منه لله غاوانى وخرب بيتى

اسماء بصت لمدحت وقالت انت اتجوزت عليه عرفى 😭وكمان اربع مرات وانا عايشه معاك فاكره انك ملاك حسبى الله ونعم الوكيل

مدحت : اهو ما انتى عرفتى تربى بنت حامل وراجل ماشى مع واحده قد امه 😂

فارس مسك ايد امه وقال يا بابا ماما ربتنا احسن تربيه وقال لسوفيا تعالى يا سوفيا ومسك ايدها وقال سوفيا مش حامل يا بابا كل ده كان لعبه

سوفيا : ايوه يا بابا انا هقولك حصل ايه انا فى يوم كان عندى مشكله مع شاب زميلى فالجامعه كنت بحبه اوى وكان هيخطبنى فى يوم مامته تعبت طلب منى مساعده خدت فلوسى ودهبى وساعدته علشان كنت بحب وعلشان ماما كانت بتربى فينا حب الخير.. انا مكنتش اعرف انه كداب ونصاب ولما عرفت طلبت فلوسى وابتدى يهددنى وانا مش بخبى حاجه ع اخويا فارس لما شافنى مضايقه سألنى وقولتلوا ع كل حاجه لأنى مغلطتش بس عرفت غلطى واخويا خد حقى وقالى على حكايه عبير وانه سمع انكم هتتجوزا طلب منى نعمل المقلب ده علشان انت تتراجع عن اللى فى دماغك وتشيل مسؤوليتنا شويه بس وتحس

بمشاكلنا ورحنا عند صاحبك الدكتور أحمد وهو ساعدنا ع ده الله يكرمه واهو جسمى انا مش مضروبه يا بابا ده ميك اب كأنى مضروبه شوف اهو يا ماما إنما ماما ست الكل ربتنا احسن تربيه اما اخويا فارس راجل انت فعلا خلفت راجل هو حرم عبير عليك يا بابا إنما أنا واخويا اتربنا احسن تربيه انت لازم تكون فخور بينا 😍 وياريت تخلينا احنا كمان نفتخر بيك وفضلت تعيط 😭

مدحت : يااه انا كنت فى كابوس انتى مش حامل يا بنتى أحمدك يارب واشكرك

وراح مسك ايد مراته وقالها انا اسف انا جيت عليكى كتير بخاينتى ليكى بس انتى برضه اهملتينى ومش هبرر ده بس ياريت تخلى بالك منى انا فعلا غلط وانتى أعظم زوجه وافتخر بيكى وبولادى

عبير : أسقف انا😂

فارس : يلا اطلعى بره

بس مدحت قال دى مشكلتى انا وراح مسك ايد عبير وطردها بره وعبير فضلت تقول انا مش هسيبك يا فارس مش هسيبك

ومدحت قال لمراته انا اسف يا اسماء يلا يا فارس تعالى يا سوفيا يلا نروح ع شقتنا وقفل نور الشقه وقفل الباب بالمفتاح وخرجوا ع شقتهم وأسماء قالت هات المفتاح ده انا هشيله لنهى اختك ومش هتاخدوا تانى وكلهم دخلوا ناموا فى امااان وفى صباح اليوم التالى الكل صحى فرحان ومبسوط وكان عيد ميلاد سوفيا وابتدوا يجهزوا الحفله وعزموا اصحابهم ودقت الساعه 8 بالليل وابتدت حفله العيد ميلاد مع القرايب والأحباب وفى عز الفرحه والكل مبسوط ومدحت وأسماء وفارس، وسوفيا بيحتفلوا فجأه عبير جت بس مدحت راح قالها انتى عاوزه ايه وطردها بره بس فارس خرج وراها وقالها عبير انا منفعكيش انا كنت بحافظ ع بيت ابويا وامى من الخراب ارجوكى روحى عيشى حياتك بعيد عننا

عبير : ههههههههههههههه متآكد ان انت حافظت ع بيتكم من الخراب ههه يا فارس انت متعرفش ابوك كويس للأسف ابوك زى الحربايه بيتلون 😅 كل ده كدب فى كدب اوعى تفتكر من كلمتين حلوين قالهم انه اتعدل ديل الكلب عمره ما هيتعدل اسألنى انا✋😁 وانا هوريك بنفسى ثوانى

ونزلت عبير تحت ع باب العماره وطلعت معاها ست فى حدود ال 30 سنه وقالت هههههههه عارف دى مين

وخرج مدحت عليهم وقال ايه اللى جابك هنا انتى كمان

فارس : بابا انت تعرفها

مدحت : لا لا لا

عبير : ما تقول مين ولا اققول انا

وراحت عبير قالت ابوك شكله مكسوف اصل وش كسوف😂 دى الزوجه الخامسه يا استاذ فارس مدام مدحت الجديده مدام امل مطلقه وحب يصطاد فالمياه العكره

مدحت : يلا أمشى من هنا يا عبير بدل ما امموتك

عبير : انا همشى بس اللبس انا كنت عاوزه اعرف فارس بس انا مهما يعمل الراجل الخاين عمره ما هيتعدل سلام يا فارس

فارس : 😭😭 ليه كده يا بابا ليه بس

مدحت : انا انا اتجوزتها من فتره

وراح طلقها وطردها

فارس : بابا انا مش عاوز ماما تعرف حاجه

اسماء خرجت وقالت يلا يا جماعه هنطفى الشمع ودخلوا وفارس كان مضايق من عمايل أبوه وقال فى سره ربنا يستر على اللى جاى بس مدحت قال لفارس ابوك تاب يا فارس اوعى تزعل ومش عاوز ماما تعرف حاجه والعيد ميلاد خلص ع خير والكل فرحان ومبسوط لحد ما مدحت قعد مع فارس واتكلم معاه وعلشان يثبت حسن نيته حكى كل حاجه لأسماء مراته وأسماء سامحته ورجعوا احسن من الاول ومدحت اتعلم من غلطته وفهم ان لم شمل الاسره مش بالسهل وغلط فى حق مراته وان زى ما الاب عمود البيت فالام كل حيطانه وتمت القصه 😍 انتظرونى فالجديد ان شاء الله

لكل راجل.. زى ما انت بتتعب فالست بتتعب اكتر منك وبتكون راجل وست فى نفس الوقت فى مواقف كتير✋ مش علشان بتتعب وتجيب فلوس تبقى عملت معجزه لا ده ربك اللى قال الرجال قاومون ع النساء

انت راجل اه بحنيتك ع مرتك وتربيتك الصح لولادك

فميكونش جزائها الخيانه علشان تثبت انك راجل ياريت تقدر تعب الست دى ✋ هى مش ورقه بتتكتب وخلاص وتخلف عيال لا ✋ ده سكن ربك مقالش حب ربك قال موده ورحمه علشان الحب القلب بيتغير فممكن الحب يروح إنما الموده والرحمه بتيجى من العشره وبتكون سكن

لكل بنت وابن ياريت تراعوا تربيه امهاتكم ليكم وتراعوا ربنا فيهم وياريت تقدروا بيتعبوا قد ايه 😭💔 ربنا يبارك فى كل ام ويطول فى عمرها ويرحم كل ام وينور قبرها اللهم امييين 💔

وبعد ان انتهينا من الاجزاء الكاملة من رواية جوازة مش طبيعية تابعنا وسوف نقوم بعرض كل مستجد عن الرواية دائما احبائي

#رواية_جوازة_مش_طبيعية

#جوازة_مش_طبيعية

#كوكي_سامح

#الجزء_الاول

#الجزء_الثاني

#الجزء_الثالث

#الجزء_الرابع

#الجزء_الخامس

#الجزء_السادس

#جوازة_مش_طبيعية